Como parte do X Seminario Hábitat a escala humana, e enmarcado dentro da Fase II do proxecto Agra: un barrio de coidados, o sábado día 29 de novembro celebrarase un Roteiro polo barrio da Agra do Orzán, que pretende ser un percorrido a través da memoria, o urbanismo e a diversidade deste. O evento dará comezo ás 11:30 h na entrada principal do Ágora e finalizará (aproximadamente) ás 13:30 h na praza de Mariñeiros, ao carón do Centro Cívico Pescadores.
Ao longo do traxecto contaremos coas aportacións de tres profesionais de recoñecido prestixio:
- Zinthia Álvarez. Xornalista, investigadora e activista antirracista.
- Xurxo Souto. Músico e escritor.
- Iago Carro. Arquitecto, membro de Ergosfera.
A actividade é de balde, previa inscrición a través do seguinte formulario:
https://forms.gle/EYYDZDWtb1aU6wob9